काठमाडौँ — प्रधानमन्त्री केपी शर्मा ओलीले वुमेन्स साफ च्याम्पियनसिप-२०२४, एसियाली कराँते च्याम्पिनयसिप र कावा बिच भलिबलमा पदक विजेता खेलाडी, प्रशिक्षक र व्यवस्थापनकलाई मंगलबार सम्मान र पुरस्कार प्रदान गरेका छन् ।युवा तथा खेलकुद मन्त्रालयले प्रधानमन्क्री निवास, बालुवाटारमा आयोजित कार्यक्रममा नेपाल सरकार, मन्त्रिपरिषद्को गत मंसिर २८ गतेको निर्णयबमोजिम तोकिएको मापदण्डका आधारमा पुस्कार प्रदान गरिएको हो । कात्तिक १ गतेदेखि १४ गतेसम्म काठमाडौंमा भएको साफ वुमेन्स च्याम्पियनसिपमा पदक विजेता अमृता जैसी, मुख्य प्रशिक्षक राजेन्द्र तामाङ र व्यवस्थापक वृन्दा देवानलगायत तथा चीनको हाइजाओमा असोज १ गतेदेखि ७ गतेसम्म भएको २० औं एसियाली कराते च्याम्पियनसिपमा पदक विजेता एरिका गुरुङ र मुख्य प्रशिक्षक कुशल श्रेष्ठलगायतलाई पुरस्कार प्रदान गरिएको हो ।